Ég.. trúi.. þessu... ekki.

Ég sá videoið af þessu þegar þetta mál var sem mest í fréttum, auk sögunnar á bakvið þetta. Ítrekaðar lygar, kjaftæði og vanhæfni er það sem manni kemur fyrst í huga þegar þetta rifjast upp. Maðurinn er drepinn því hann henti tölvu í gólfið og hélt á heftara. Allir reyna að ljúga af sér sök, mest af því kom í bakið á þeim þegar videoið var gert opinbert. Því er ég ekki að trúa því að niðurstaðan verði að ekki sé við neinn eða neina að sakast. Sérstaklega skemmtilegt að mennirnir sem drápu hann gerðu enga tilraun til að endurlífga hann, algjörlega til fyrirmyndar.

Frétt cnn, viðtal við manninn sem tók videoið:

Videoið sem hann tók, eitt og sér:

 

Lögreglumenn ekki ákærðir

Rautt, nema maður sé Terry.

Er ekki gefið rautt fyrir neitt nema að brjóta á aftasta varnarmanni? Mér finnst það að grípa um skrokk á öðrum leikmanni og skutla sér eftir honum til að geta haldið honum lengur með lúkunum og dragast á eftir honum, þegar andstæðingurinn er að komast í hraða sókn ( eða bara alltaf ? ) alveg eiga skilið rautt spjald. Það er mikið um að dómarar haldi að Terry hafi fjórar fætur og engar hendur, því ekki fær hann heldur oft dæmda á sig hendi.

Terry fer ekki í leikbann

Hugarfar og trú Morfeusar.

Getan hefur oft verið til staðar, þó hún sé líklega aðeins meiri nú en áður þökk sé fjölda yngri leikmanna sem eru nú orðnir alvöru leikmenn. Þó hefur stöðugleiki liðsins ekki þótt mikill og álit manna á liðinu og árangur liðsins verið sveiflukenndur. Hvað hefur breyst? Morfeus hefur tjáð öðrum hugarfar sitt sem hefur reynst honum svo vel, þetta er eitthvað sem góður leikmaður gerir til að analísera sinn eigin leik þegar mikil reynsla er að baki til að ná jafnvel enn lengra. Nákvæmlega hvað felst í hans aðferð er ekki lykilatriði ( ekkert neikvætt tungumálið o.s.frv. ). Heldur hverju ég tel þetta skila, þ.e. einfaldlega einbeitingu leikmanna allan tíman. Því trúin á eigin getu tel ég að hafi ekki verið að þvælast mikið fyrir þeim, en nú vex hún þökk sé árangri þökk sé aukinni einbeitingu. Að vera einbeittur í klukkutíma er hægara sagt en gert.

Fyrst og fremst trú á eigin getu

Agbonlahor setur auk þess annað met.

Það hlýtur að flokkast undir eitthvað met að skora þrennu árið 2208 þegar hann er orðinn ansi gamall, auk þess setur sá aðili sem sá svo langt fram í tímann eitthvað annað met. Ef við drögum 2008 frá 2208 þá:

 2208

-2008

-------

0200

 Eða 0200 ár!!!

Agbonlahor með aðra fljótustu þrennuna

Alexander Petersson

Ég elska þig.

Ísland fór hamförum gegn Þjóðverjum

Kynjamismunun feministafélagsins.

Ég get ekki séð að það sé hægt að taka nokkurt mark á feministafélagi eða neinu öðru félagi fyrr en meðlimafjöldi karla og kvenna sé jafn. Þ.e. t.d. að ef það væru 134 meðlimir í heildina og sirka 57 karlar.

Þetta stórátak sem um er rætt í fréttinni vill ég stundum líkja við það að grilla kjöt á gasgrilli. Fyrst þarf að athuga hvort það sé gas á kútnum annars er ekkert hægt að hita upp grillið og átakið verður allt annað en stórt. Því næst þarf að skrúfa frá gasinu og fljótlega ýta á takka til að fá neysta og kveikja á grillinu. Þarna gæti hugsanlega fráskrúfun gasins verið ötult starf Karlahóps Femínistafélagsinsen og neystinn verið „Þjóðhátíð '93". Ef þetta á að gera eitthvað gagn þarf að setja kjöt á grillið, þar gæti vandamálið verið. Nema að kjötið sé komið á grillið, en gasleiðslan frá kútnum ekki tengd upp í grillið. Þá grillast ekkert og áherslan á hvatningu til ábyrgar kynhegðunar fer að snúast um frisbee diska og stuttermaboli.

„Texti Baggalúts snýst ekki um eðlilega hegðun"

Ef hann keyrir á 7 bíla..

... á bílastæðinu og við teljum hvað það sjást margir bílar á bílastæðinu þá eru þarna 20 bílar. Þ.e. ef við gefum okkur að bíll þess sem slysaðist til að keyra á sjö bíla er ekki talinn með. Þá getum við reiknað út hve háa prósentu af bílunum aðilinn náði að keyra á. Prósenta er hundraðshluti af tölu og getum við notað prósentujöfnuna til að finna þetta.

% * Heild = Hluti

Þar sem:

Heild = upphafstalan sem finna á prósentuna af

% = prósentutalan í tugabrotum

Hluti = prósentuhlutinn af upphafstölunni, heildinni

Prósentujafnan í orðum er þá þannig - hluti er sama og prósentan sinnum heildin.

Til að auðvelda útreikning segjum að þetta séu 10 bílar. Að keyra á 7 bíla af 10 sem er bara 3 minna en 10 svo ég held það sé 30%

Svo er 10 tvöfalt færri bílar en 20 svo þetta er 15% af öllum bílunum á planinu.

 

Fluttur á slysadeild eftir árekstur